Wahin doosri taraf…
Italy – raat ka samay
Ek dark luxury villa… bahar ghana andhera chhaya hua tha.
Villa ke andar ek kamra tha jahan ek ladka khidki ke paas baitha hua tha.
Uske haath mein drink tha aur aankhon mein ek ajeeb si gehraai thi.
Wo bas raat ke aasman ko dekh raha tha.
Poori tarah shaant… thanda… aur controlled.
Tabhi darwaza khulne ki awaaz aati hai.
Ek aadmi andar aata hai aur thoda ghabraate hue bolta hai—
“Boss… India se call aaya hai. Bade sahab ne aapko urgently bulaya hai.”
Ek second ka sannata.
Ladka koi reaction nahi deta.
Wo bas aasman ko dekhta rehta hai.
Phir wo dheere se bolta hai—
“Tumhe lagta hai main kisi ke bulaane par chalunga?”
Kamre mein sannata aur gehra ho jaata hai.
Aadmi chup ho jaata hai.
Ladka apna glass table par rakh deta hai aur thandi awaaz mein bolta hai—
“Main tab jaaunga jab main khud tay karunga.”
“Mujhe koi control nahi kar sakta.”
Darwaza band ho jaata hai.
Aur kamre mein phir se sannata chha jaata hai.
Raat ki khamoshi aur gehri ho jaati hai.
Ladka khidki se bahar dekhte hue dheere se bolta hai—
“India…”
Aur uski aankhon mein purani yaadein utarne lagti hain.
Rudra Malhotra – Parichay
Rudra Malhotra Bharat ke sabse ameer aur powerful parivaron mein se ek Malhotra family se belong karta hai.
Uske pita Devaraj Malhotra ek bahut hi sakht aur powerful businessman hain, jinki baat ghar aur business dono mein antim maani jaati hai.
Rudra ki maa Aayanshi Malhotra thi, jo bahut hi shaant, pyaar karne wali aur poore parivaar ko jodkar rakhne wali mahila thi.
Lekin ek haadse mein unki death ho chuki hai.
Aayanshi ke do bachche the — Rudra aur Ridhim.
Ridhim Malhotra (21) Rudra ka chhota bhai hai.
Wo Rudra ke bilkul opposite hai — mastikhor, khushmizaj aur befikr.
Jahan Rudra shaant aur thanda hai, wahin Ridhim hamesha ghar mein hansi aur shararat lekar aata hai.
Maa ki death ke baad Devaraj Malhotra ne doosri shaadi ki.
Unki doosri wife Asmita Malhotra hain, jo bahut hi shaant, samajhdaar aur parivaar ko sambhalne wali mahila hain.
Ridhim ne unhe maa ki tarah accept kar liya, lekin Rudra kabhi unhe poori tarah apna nahi paaya.
Wo unka sammaan karta hai, unki baat sunta hai, lekin unhe “maa” nahi kehta.
Asmita ke do bachche hain — Riyansh aur Ruhi.
Dono hi bahut mastikhor aur khushmizaj hain.
Ghar mein Ridhim, Riyansh aur Ruhi milkar hamesha shararat aur halchal machate rehte hain.
Lekin in sab mein Rudra sabse alag hai.
Rudra apne sabhi bhai-behenon se pyaar karta hai, lekin Ruhi ke saath uska sabse khaas aur gehra rishta hai.
Parivaar mein dada Ajay Malhotra hain aur dadi Lalita Malhotra hain.
Dada bahut sakht aur anushasanpriya hain, jabki dadi bahut pyaar karne wali aur Rudra ke bahut kareeb hain.
Parivaar mein ek aur aham hissa hain — Ajit aur Deepti.
Dono bahut hi acche swabhaav ke hain aur unhone Ridhim, Rudra, Riyansh aur Ruhi ko apne bachchon ki tarah paala hai.
Parivaar mein ek aur member hain — Reva (Bua).
Wo bahut hi khushmizaj aur mastikhor swabhaav ki hain.
Unka ek beta hai jiska naam Arnab hai.
Wo bahut kam bolta tha aur bahut hi shaant swabhaav ka tha.
Reva bua ke husband ki death ke baad wo Rudra ki family ke saath hi rehti hain.
Lekin unki ek aur behen Kaveri hai, jiska swabhaav bahut tez aur negative hai.
Wo hamesha parivaar mein tension aur takraav lekar aati hai.
Unhe hamesha Rudra aur unki maa Aayanshi se problem thi…
Ant
Rudra bahar se jitna shaant dikhta hai…
Andar se utna hi toota hua aur gehra hai.
Aur yahi use baaki sabse alag banata hai.
Itni badi, ameer aur powerful family hone ke
baad bhi…
Wo hamesha sabse door… sabse alag kyun rehta hai?
Write a comment ...